بحس ان فى طريقتين للفرجة على الأفلام
الطريقة الاولى انك تبقى مركز و انت بتتفرج ع الفيلم و واخد دور الناقد , مهتم بملاحظة مدى جودة عناصر معينة زى الاضاءة و الموسيقى و الخ الخ عشان فى الآخر خالص تقدر تدى تقييم للفيلم بـ ’’ رقم ! ’’
, تبقى مهتم بإنك ’’ تفهم ’’ الرسالة اللى انت شايف ان الفيلم بيحاول يوصلها , بتحاول تفهم فى الاساس مش تستمتع , و كأن الفيلم ده كتاب فكرى مثلا انت بتقراه و بتحاول تفهمه , مش عمل فنى بتحاول فى الاساس انك تستمتع بيه ( ملحوظة : بنستمتع بأغانى اديث بياف من غير ما نبقى فاهمين كلمة )
, اللى من النوعية دى بتلاقيهم دايما مهتمين انهم يكتبو ريفيوهات عن الافلام بعد ما يشوفوها , و لو مكتبوش ريفيوهات بيبقو مهتمين انهم يشرحوا تحليلاتهم دى لصحابهم , بيبقو أشبه بالمحللين كده اللى بيحاولو يفهموا حاجة معينة عشان يشرحوها لبقية الناس و يعرفوهم هى جيدة ولا سيئة , يتفرجوا عـ الفيلم ولا لا , كتير بيبقوا متكلفين اوى فى تحليلاتهم , و الموضوع ممكن مع الوقت يتحول لأنه يكون مجرد استعراض عضلات
..
اما الطريقة التانية فهى انك بتحاول تعيش الفيلم , تمتزج بيه , تستمتع بالكادرات و تسرح مع نفسك فى التفاصيل , التفاصيل اللى ممكن ميكونش حتى المخرج مهتم بيها او يعرف عنها حاجة , تستمتع بالحوار حتى لو مش فاهم السياق اللى فيه , تشوف الفيلم بعينيك انت , مبتتعاملش معاه على انه كتاب فكرى بتحاول تفهمه , بتعامله كقطعة فنية , زيه زى اللوحات و المقطوعات الموسيقية , الفيلم هنا ساعتها مش حاجة انت بتتفرج عليها فى الاساس عشان ’’ تفهمها ’’ , لا الفيلم هنا ’’ حالة ’’ بتعيشها عن طريق الامتزاج بيه
..
مش معنى انى بقول كده ان اى حد بيكتب ريفيوهات دايما عن الافلام و كده ان يكون بينطبق عليه كل الصفات اللى قلتها فـ المجموعة الاولى , عادى ممكن يكون بيعمل الاتنين بمهارة , بيتفرج و بيستمتع و فى نفس الوقت بيبص بعين تحليلية للفيلم
..
ممكن يكون فيلم سىء جداً فى رأى حد من المجموعة الأولى , عظيم جداً فى عين حد من المجموعة الثانية , و العكس صحيح
..
مش معنى انى بقول ان المجموعة التانية دى الفيلم بيكون بالنسبالها حالة انها بتمتزج باى حاجة اشطا او ان اى حاجة بتعجبها , او انها مثلا مش بيكون ليها رأى , لا خالص , الموضوع بس بيبقى انه زى ما ممكن مثلا مقطوعة موسيقية مشهورة بيتقال عليها دايماً انها عظيمة , متعجبش ’’ س ’’ من الناس , و تكون تحفة فنية بالنسبة لـ ’’ ص ’’ او بالنسبة لحد موسيقى , كذلك فى الافلام , ممكن يكون الفيلم عظيم من وجهة نظر حد معين , و مش حلو بالنسبة لوجهة نظر حد تانى , مش حلو بدون ما نجهد نفسنا بقا فى عملية ايجاد اسباب منطقية واضحة و من ثم عرضها للناس مع اعطاءهم فى النهاية تقييم رقمى
..
اينعم النوعية التانية ممكن متقدرش تقولك رأى له نفس المظهر الرصين بتاع النوعية الأولى , الا انى بشوف ان النوعية التانية كتير بتكون هى فعلا اللى اتفرجت على الفيلم
..
فى النهاية الفيلم مش كتاب فكرى بيحاول يعرض عليك أفكار معينة , و بناءً على رأيك فى الأفكار دى بتقيم الكتاب , لا , ممكن تتفرج على فيلم يكون بيتكلم مثلا عن الجانب الانسانى عند شخص ’’ نازى ’’ , هل معنى كده ان الفيلم بيحاول يقنعك ان النازية شىء انسانى ؟ اكيد لا , هل معنى كده ان الفيلم بينظر للنازية ؟ اكيد لا , زى ما مثلا ممكن تستمتع بجمال لوحة بتصور ’’ هتلر ’’ , انما ترمى فى الزبالة كتاب بينظر للفكر النازى
..
الفن عموماً مش مهمته التنظير لأفكار معينة أو محاولة اقناع الناس بيها , الفن بيبقى مهتم فى الأساس بأنه يعرض بشكل جميل , حتى لو اللى بيعرضه ده مثلا شىء انت مبتحبوش او مختلف معاه فكرياً , ممكن تستمتع بلوحة عن الحرب , حتى لو انت اصلا شخص مناهض للحرب , اللى عايز أقوله إن الفن مش معنى بـ ’’ اقناعنا ’’ بل معنى بأنه يجعلنا نشعر بلذة جمالية , وبالتالى اى نظرة للفن على انه لازم يكون مروج لأفكار معينة فهى ناظرة قاصرة , نظرة بتنزع عن الفن ماهيته الأصلية و بتخنقه و بتحجمه و بتطوعه و بتجعله غير حر , و بالتالى فهى كده بتعامل الفن على إنه مش فن !
الطريقة الاولى انك تبقى مركز و انت بتتفرج ع الفيلم و واخد دور الناقد , مهتم بملاحظة مدى جودة عناصر معينة زى الاضاءة و الموسيقى و الخ الخ عشان فى الآخر خالص تقدر تدى تقييم للفيلم بـ ’’ رقم ! ’’
, تبقى مهتم بإنك ’’ تفهم ’’ الرسالة اللى انت شايف ان الفيلم بيحاول يوصلها , بتحاول تفهم فى الاساس مش تستمتع , و كأن الفيلم ده كتاب فكرى مثلا انت بتقراه و بتحاول تفهمه , مش عمل فنى بتحاول فى الاساس انك تستمتع بيه ( ملحوظة : بنستمتع بأغانى اديث بياف من غير ما نبقى فاهمين كلمة )
, اللى من النوعية دى بتلاقيهم دايما مهتمين انهم يكتبو ريفيوهات عن الافلام بعد ما يشوفوها , و لو مكتبوش ريفيوهات بيبقو مهتمين انهم يشرحوا تحليلاتهم دى لصحابهم , بيبقو أشبه بالمحللين كده اللى بيحاولو يفهموا حاجة معينة عشان يشرحوها لبقية الناس و يعرفوهم هى جيدة ولا سيئة , يتفرجوا عـ الفيلم ولا لا , كتير بيبقوا متكلفين اوى فى تحليلاتهم , و الموضوع ممكن مع الوقت يتحول لأنه يكون مجرد استعراض عضلات
..
اما الطريقة التانية فهى انك بتحاول تعيش الفيلم , تمتزج بيه , تستمتع بالكادرات و تسرح مع نفسك فى التفاصيل , التفاصيل اللى ممكن ميكونش حتى المخرج مهتم بيها او يعرف عنها حاجة , تستمتع بالحوار حتى لو مش فاهم السياق اللى فيه , تشوف الفيلم بعينيك انت , مبتتعاملش معاه على انه كتاب فكرى بتحاول تفهمه , بتعامله كقطعة فنية , زيه زى اللوحات و المقطوعات الموسيقية , الفيلم هنا ساعتها مش حاجة انت بتتفرج عليها فى الاساس عشان ’’ تفهمها ’’ , لا الفيلم هنا ’’ حالة ’’ بتعيشها عن طريق الامتزاج بيه
..
مش معنى انى بقول كده ان اى حد بيكتب ريفيوهات دايما عن الافلام و كده ان يكون بينطبق عليه كل الصفات اللى قلتها فـ المجموعة الاولى , عادى ممكن يكون بيعمل الاتنين بمهارة , بيتفرج و بيستمتع و فى نفس الوقت بيبص بعين تحليلية للفيلم
..
ممكن يكون فيلم سىء جداً فى رأى حد من المجموعة الأولى , عظيم جداً فى عين حد من المجموعة الثانية , و العكس صحيح
..
مش معنى انى بقول ان المجموعة التانية دى الفيلم بيكون بالنسبالها حالة انها بتمتزج باى حاجة اشطا او ان اى حاجة بتعجبها , او انها مثلا مش بيكون ليها رأى , لا خالص , الموضوع بس بيبقى انه زى ما ممكن مثلا مقطوعة موسيقية مشهورة بيتقال عليها دايماً انها عظيمة , متعجبش ’’ س ’’ من الناس , و تكون تحفة فنية بالنسبة لـ ’’ ص ’’ او بالنسبة لحد موسيقى , كذلك فى الافلام , ممكن يكون الفيلم عظيم من وجهة نظر حد معين , و مش حلو بالنسبة لوجهة نظر حد تانى , مش حلو بدون ما نجهد نفسنا بقا فى عملية ايجاد اسباب منطقية واضحة و من ثم عرضها للناس مع اعطاءهم فى النهاية تقييم رقمى
..
اينعم النوعية التانية ممكن متقدرش تقولك رأى له نفس المظهر الرصين بتاع النوعية الأولى , الا انى بشوف ان النوعية التانية كتير بتكون هى فعلا اللى اتفرجت على الفيلم
..
فى النهاية الفيلم مش كتاب فكرى بيحاول يعرض عليك أفكار معينة , و بناءً على رأيك فى الأفكار دى بتقيم الكتاب , لا , ممكن تتفرج على فيلم يكون بيتكلم مثلا عن الجانب الانسانى عند شخص ’’ نازى ’’ , هل معنى كده ان الفيلم بيحاول يقنعك ان النازية شىء انسانى ؟ اكيد لا , هل معنى كده ان الفيلم بينظر للنازية ؟ اكيد لا , زى ما مثلا ممكن تستمتع بجمال لوحة بتصور ’’ هتلر ’’ , انما ترمى فى الزبالة كتاب بينظر للفكر النازى
..
الفن عموماً مش مهمته التنظير لأفكار معينة أو محاولة اقناع الناس بيها , الفن بيبقى مهتم فى الأساس بأنه يعرض بشكل جميل , حتى لو اللى بيعرضه ده مثلا شىء انت مبتحبوش او مختلف معاه فكرياً , ممكن تستمتع بلوحة عن الحرب , حتى لو انت اصلا شخص مناهض للحرب , اللى عايز أقوله إن الفن مش معنى بـ ’’ اقناعنا ’’ بل معنى بأنه يجعلنا نشعر بلذة جمالية , وبالتالى اى نظرة للفن على انه لازم يكون مروج لأفكار معينة فهى ناظرة قاصرة , نظرة بتنزع عن الفن ماهيته الأصلية و بتخنقه و بتحجمه و بتطوعه و بتجعله غير حر , و بالتالى فهى كده بتعامل الفن على إنه مش فن !