_ احنا ازاى وصلنا للمرحلة دى ؟
_ وصلنالها نتيجة إننا بقينا قريبين من بعض أكتر مما ينبغى
_ أكتر مما ينبغى ؟
_ اه
_ و ازاى ده حصل .. ؟
_ حصل نتيجة إن كل واحد فينا رسم للتانى صورة جميلة , و حبها ..
_ طب و الطرق الطويلة اللى قطعناها سوا الإيد فـ الإيد .. معقولة تطلع كده نهايتها فـ الآخر إننا نفترق ؟
_ للأسف
_ هنفترق تماماً ؟
_ حتماً ولا بد
_ ...
_ بس عارف .. لو كنا عبرنا سوا نفس الطرق الطويلة دى بس المسافة اللى ما بيننا كانت أكبر , مكانتش هتبقى دى آخرتها .. مكناش هنفترق تماماً فـ الآخر كده كما لو كنا أعداء .. لكن للأسف ايدينا كانت متشابكة فـ كل الطرق اللى قطعناها سوا .. كنا واحد و مكانش فى بيننا أى مسافة
_ ودى حاجة وحشة ؟
_ تخيل !
_ ازاى بس ؟!
_ جرب كده تفضل لفترة كبيرة ماسك حاجة بعزم ما عندك و انت تعرف
_ ...
_ مش عارف ايه اللى هيحصل ؟
_ لا
_ إيديك هتوجعك , و الحاجة اللى انت ماسكها دى هتسقُط منك
_ ..
_ انا وانت يا صديقى فضلنا ماسكين فـ بعض جامد , لكن بطبيعة الحال مستحيل ده يستمر للأبد .. فكان لازم يوماً ما تيجى اللحظة اللى نُسقِط فيها بعض , اللحظة اللى كنت دايماً بتحاشى التفكير فيها بالرغم من إنى كنت دايماً عارف من جوايا انها هتيجى لا محالة ..
لكن عارف ليه كنت دايماً مستمر معاك فـ المشى كما لو كنت مش عارف ان اللحظة دى هتيجى ؟ .. لإن اللحظة دى عاملة كده زى لحظة الموت .. ميعادها مبيبقاش معروف أبداً هييجى امتى , وعدم معرفتنا لميعادها ده بيدينا دايماً نوع من الثقة الكدابة .. الثقة الكدابة اللى بيها بس بنقدر نكمل الطريق كما لو كان ملوش نهاية ..
_ بس احـ..
_ خلاص يا صديقى , اللحظة دى جات للأسف ... و احنا دلوقتى فيها
_ يعنى لا مفر..؟
_ لا مفر
_ الوداع ..؟
_ الوداع ..
_ وصلنالها نتيجة إننا بقينا قريبين من بعض أكتر مما ينبغى
_ أكتر مما ينبغى ؟
_ اه
_ و ازاى ده حصل .. ؟
_ حصل نتيجة إن كل واحد فينا رسم للتانى صورة جميلة , و حبها ..
_ طب و الطرق الطويلة اللى قطعناها سوا الإيد فـ الإيد .. معقولة تطلع كده نهايتها فـ الآخر إننا نفترق ؟
_ للأسف
_ هنفترق تماماً ؟
_ حتماً ولا بد
_ ...
_ بس عارف .. لو كنا عبرنا سوا نفس الطرق الطويلة دى بس المسافة اللى ما بيننا كانت أكبر , مكانتش هتبقى دى آخرتها .. مكناش هنفترق تماماً فـ الآخر كده كما لو كنا أعداء .. لكن للأسف ايدينا كانت متشابكة فـ كل الطرق اللى قطعناها سوا .. كنا واحد و مكانش فى بيننا أى مسافة
_ ودى حاجة وحشة ؟
_ تخيل !
_ ازاى بس ؟!
_ جرب كده تفضل لفترة كبيرة ماسك حاجة بعزم ما عندك و انت تعرف
_ ...
_ مش عارف ايه اللى هيحصل ؟
_ لا
_ إيديك هتوجعك , و الحاجة اللى انت ماسكها دى هتسقُط منك
_ ..
_ انا وانت يا صديقى فضلنا ماسكين فـ بعض جامد , لكن بطبيعة الحال مستحيل ده يستمر للأبد .. فكان لازم يوماً ما تيجى اللحظة اللى نُسقِط فيها بعض , اللحظة اللى كنت دايماً بتحاشى التفكير فيها بالرغم من إنى كنت دايماً عارف من جوايا انها هتيجى لا محالة ..
لكن عارف ليه كنت دايماً مستمر معاك فـ المشى كما لو كنت مش عارف ان اللحظة دى هتيجى ؟ .. لإن اللحظة دى عاملة كده زى لحظة الموت .. ميعادها مبيبقاش معروف أبداً هييجى امتى , وعدم معرفتنا لميعادها ده بيدينا دايماً نوع من الثقة الكدابة .. الثقة الكدابة اللى بيها بس بنقدر نكمل الطريق كما لو كان ملوش نهاية ..
_ بس احـ..
_ خلاص يا صديقى , اللحظة دى جات للأسف ... و احنا دلوقتى فيها
_ يعنى لا مفر..؟
_ لا مفر
_ الوداع ..؟
_ الوداع ..