من أبشع مساوىء البيروقراطية , هى إنها خلقت أجيال كاملة متربية على ’’ المهم تاخد الشهادة ’’ مش ’’ المهم تتعلم ’’ , المهم ’’ يتكتب كتابكو ’’ مش المهم ’’ انكو بتحبو بعض ’’ , المهم ’’ مرتبه كام ؟ ’’ , المهم ’’ معاها شهادة ؟ ’’ , ’’ المهم جاب مجموع ايه ؟ ’’ , ’’ المهم كتبلك ورق ؟ ’’ والخ الخ الخ
.
بقينا فى عالم بيحكمه الورق , الورق مبقاش ’’ وسيلة لـ ’’ , ده بقا غاية فـ حد ذاته , و عشان كده من ضمن الخيالات اللى بتراودنى دايماً اما بسرح , هى ان يا ترى ايه اللى هيحصل لو يوما ما كل الورق اللى فـ العالم ولع ؟ , وطبعا بتكلم على الورق اللى بيمثل الاموال و الشهادات و المستندات و الخ الخ , و بعد ما بتخيل انه خلاص ولع , اقعد افكر : يا ترى ساعتها ايه هيكون رد فعل البشر ؟! , هل الفوضى هتعم بمجرد أختفاء سلطة الورق ؟ , ولو حصلت , هل هتبقى كبيرة للدرجة اللى ممكن تؤدى لكارثة عظيمة يروح ضحيتها ملايين أو حتى مليارات البشر ؟ , الصراحة بلاقى ان السيناريو ده وارد , بل و وارد جداً كمان فى حال تحقق الشرط المذكور
..
لكن بسأل نفسى , و هو هل العالم دلوقتى مش فى حالة من الفوضى ؟ , هل النظام بالشكل الموجود حاليا شىء يستحق اننا نحاول نحافظ عليه ؟ , ملايين الأطفال فـ أفريقيا اللى بيموتوا سنوياً لأنهم ’’ معهمش ورق ’’ , ملايين الناس اللى بشتغل حاجات مبتحبهاش عشان ’’ معهاش ورق ’’ يمكنها من انها تشتغل فـ الحاجة اللى بتحبها , او حتى تدرسها , والخ الخ من الأمثلة اللى بتظهر أد ايه سلطة الورق بتقف حائل أدام تحقيق امكانيات كتير لو اتحققت هيحصل تقدم مذهل , و كفاية أن الناس هيكونو أكثر سعادة و أقل فقرا و مرضاً والخ الخ , فالنتيجة اللى لو هنوصلها لو فكرنا بالتتابع ده هو ان النظام بالشكل ده فى جزء كبير جداً منه غير عقلانى , و بيؤدى لمهازل و كوارث , وحروب وفقر و مجاعات و الخ الخ
..
لكن هل في بديل ؟ , ولو فى إزاى نحطم قبضة السلطة دى ؟ إزاى ننسف النظام ده من جذوره ؟ إزاى نقلب العالم ؟ , طبعاً ده هيتطلب إتحاد أغلب البشر , و طبعاً ده شىء صعب جداً _ بينى وبينكم مستحيل _ و محتاج ان يكون للاغلبية العظمى من البشر مطالب مشتركة , و المطالب المشتركة دى تكون مُلحة عليهم جداً , تكون بالنسبالهم ’’ مسألة حياة أو موت ’’ , بمعنى أن ميكونش عندهم شىء يخسروه
..
لكن هل حالياً أغلب البشر ’’ معندهمش شىء يخسروه ؟ ’’ , فـ الحقيقة لا , أغلبنا مهما كان ساخط على حياته الا انه مش مستعد يضحى بنفسه فـ سبيل أحلام و مطالب يمكن متتحقش فـ حياته , لكن هل من المفترض إن يكون نضالنا ده ضد الظلم مشروط بتحقيق نوع ما من اليوتوبيا بشكل فورى ؟ , أو بصيغة تانية , هل المفروض نضالنا يكون مرتبط بنتائج نضالنا , تحديداً النتائج الفورية سريعة التحقق ؟ , ولا المفروض نناضل أياً كانت النتائج ؟
..
طبعاً ده موضوع كبير , و بيضطرنا نصيغ السؤال بشكل تالت أكثر تجريداً , عشان نقدر نفهم المسألة بعمق أكبر , الصيغة التالتة دى هى : هل الحكم على فعلٍ ما بيكون بناءً على نتايجه ؟ يعنى مثلا : لو قتل شخص كبير فى السن هيؤدى لإنقاذ حياة مجموعة من الشباب , هل القتل هنا هيكون فعل أخلاقى ؟ , هل الأفعال بتتقيم بناءً على نتايجها ولا قيمتها بتنبع من ذاتها ؟ , ولو بتتقيم بناءً على نتايجها : ايه المعيار اللى بحكم بيه ع النتايج دى ؟ و هل المفروض أصلا أن يكون فى معيار واحد ولا المعايير نسبية ؟ ولو نسبية يبقى ايه اللى يضطرنا فـ الموقف س نستخدم المعيار ص مش ع , هل إختيار معيار ما بيتم بناءً على معيار آخر مسبق (و نبقى كده بندور فـ حلقة مفرغة و بنجرى ورا ضِلنا )؟ , طبعاً عند النقطة دى , و كطبيعة أى نقاش فلسفى , الموضوع بيتشعب جداً , وبيحصل أنفجار لا متناهى من الأسئلة , ولذلك , أُفضِل إن يكون للحوار تكملة ..
.
بقينا فى عالم بيحكمه الورق , الورق مبقاش ’’ وسيلة لـ ’’ , ده بقا غاية فـ حد ذاته , و عشان كده من ضمن الخيالات اللى بتراودنى دايماً اما بسرح , هى ان يا ترى ايه اللى هيحصل لو يوما ما كل الورق اللى فـ العالم ولع ؟ , وطبعا بتكلم على الورق اللى بيمثل الاموال و الشهادات و المستندات و الخ الخ , و بعد ما بتخيل انه خلاص ولع , اقعد افكر : يا ترى ساعتها ايه هيكون رد فعل البشر ؟! , هل الفوضى هتعم بمجرد أختفاء سلطة الورق ؟ , ولو حصلت , هل هتبقى كبيرة للدرجة اللى ممكن تؤدى لكارثة عظيمة يروح ضحيتها ملايين أو حتى مليارات البشر ؟ , الصراحة بلاقى ان السيناريو ده وارد , بل و وارد جداً كمان فى حال تحقق الشرط المذكور
..
لكن بسأل نفسى , و هو هل العالم دلوقتى مش فى حالة من الفوضى ؟ , هل النظام بالشكل الموجود حاليا شىء يستحق اننا نحاول نحافظ عليه ؟ , ملايين الأطفال فـ أفريقيا اللى بيموتوا سنوياً لأنهم ’’ معهمش ورق ’’ , ملايين الناس اللى بشتغل حاجات مبتحبهاش عشان ’’ معهاش ورق ’’ يمكنها من انها تشتغل فـ الحاجة اللى بتحبها , او حتى تدرسها , والخ الخ من الأمثلة اللى بتظهر أد ايه سلطة الورق بتقف حائل أدام تحقيق امكانيات كتير لو اتحققت هيحصل تقدم مذهل , و كفاية أن الناس هيكونو أكثر سعادة و أقل فقرا و مرضاً والخ الخ , فالنتيجة اللى لو هنوصلها لو فكرنا بالتتابع ده هو ان النظام بالشكل ده فى جزء كبير جداً منه غير عقلانى , و بيؤدى لمهازل و كوارث , وحروب وفقر و مجاعات و الخ الخ
..
لكن هل في بديل ؟ , ولو فى إزاى نحطم قبضة السلطة دى ؟ إزاى ننسف النظام ده من جذوره ؟ إزاى نقلب العالم ؟ , طبعاً ده هيتطلب إتحاد أغلب البشر , و طبعاً ده شىء صعب جداً _ بينى وبينكم مستحيل _ و محتاج ان يكون للاغلبية العظمى من البشر مطالب مشتركة , و المطالب المشتركة دى تكون مُلحة عليهم جداً , تكون بالنسبالهم ’’ مسألة حياة أو موت ’’ , بمعنى أن ميكونش عندهم شىء يخسروه
..
لكن هل حالياً أغلب البشر ’’ معندهمش شىء يخسروه ؟ ’’ , فـ الحقيقة لا , أغلبنا مهما كان ساخط على حياته الا انه مش مستعد يضحى بنفسه فـ سبيل أحلام و مطالب يمكن متتحقش فـ حياته , لكن هل من المفترض إن يكون نضالنا ده ضد الظلم مشروط بتحقيق نوع ما من اليوتوبيا بشكل فورى ؟ , أو بصيغة تانية , هل المفروض نضالنا يكون مرتبط بنتائج نضالنا , تحديداً النتائج الفورية سريعة التحقق ؟ , ولا المفروض نناضل أياً كانت النتائج ؟
..
طبعاً ده موضوع كبير , و بيضطرنا نصيغ السؤال بشكل تالت أكثر تجريداً , عشان نقدر نفهم المسألة بعمق أكبر , الصيغة التالتة دى هى : هل الحكم على فعلٍ ما بيكون بناءً على نتايجه ؟ يعنى مثلا : لو قتل شخص كبير فى السن هيؤدى لإنقاذ حياة مجموعة من الشباب , هل القتل هنا هيكون فعل أخلاقى ؟ , هل الأفعال بتتقيم بناءً على نتايجها ولا قيمتها بتنبع من ذاتها ؟ , ولو بتتقيم بناءً على نتايجها : ايه المعيار اللى بحكم بيه ع النتايج دى ؟ و هل المفروض أصلا أن يكون فى معيار واحد ولا المعايير نسبية ؟ ولو نسبية يبقى ايه اللى يضطرنا فـ الموقف س نستخدم المعيار ص مش ع , هل إختيار معيار ما بيتم بناءً على معيار آخر مسبق (و نبقى كده بندور فـ حلقة مفرغة و بنجرى ورا ضِلنا )؟ , طبعاً عند النقطة دى , و كطبيعة أى نقاش فلسفى , الموضوع بيتشعب جداً , وبيحصل أنفجار لا متناهى من الأسئلة , ولذلك , أُفضِل إن يكون للحوار تكملة ..