من فترة كدة ..
شوفت بنت عنيها كانت أجمل من عنيكي .. فعلا أجمل .. أجمل بناء على المقارنة التقليدية العقيمة .. يعني كانت عنيها ملونة .. واسعين .. بيضحكوا ..
عيون حلوين .
لكن لما قارنتهم بعنيكي بالطريقة اللي افهمها .. لقيتني شايفهم بحر .. لكن البحر اللي كل البشر عارفينه .. البحر اللي له شط و على شطه كراسي و شماسي و ليه مصدات قاتلة موجه .. و أي حد يقدر يعوم فيه ببساطة .. حتى اللي مابيعرفوش يعوموا سهل عليهم ينزلوه من غير قلق .. أهو بيستمتعوا و خلاص .. بيبلبطوا ! بيصيفوا
بحر .. مفهوش موج .. مش غريق .. فيه ناس حواليهم ممكن ينقذوهم .
هل دا عوم ؟ هل دا بحر ؟
أما عنيكي ..
البحر اللي انا اعرفه .. البحر اللي نزلته .. البحر اللي عشت فيه و معاه سنين .
احنا بالمناسبة ما بنقولش ع المحيط محيط .. احنا المحيط ف معجمنا اسمه بحر برده ..
بحر .. هادي و غاضب .. حليف و عدو .. أنيس و موحش .. آمن و غدار .. جرئ و بيخضع للجرئ .. غريق و بيخضع للمغامر .. رؤوف بحال أهله لإنه طول الوقت مسافر .. عنيكي البحر الحقيقي .. البحر اللي يطول شرح تفاصيله .. البحر اللي عومت و هاعوم جواه ..
البحر اللي لحظة ما غرقت فيه ماكانش حواليا ناس ..
ماكنش فيه حد ينجدني .
عنيها كانت حلوة فعلا .. لكن ما يأسروش
يتقال عليهم " عيون حلوين .. يا ليلي يا عين .. ترن تن تين " مثلا
لكن ما يتقالش عليهم زي " محمد جعفر " ما قال : عنيها رُقعتين شطرنج .. حواليها الرموش عسكَر
أو زي ما قال " عمرو ابوزيد " : عنيها المُسكرات سكرات ماهونهاش دُعا أُمي
عنيها كانت حلوة أوي .. لكن لو اترسموا .. هيترسموا عيون .
أما عنيكي لو اترسموا .. هيترسموا بورتريه رمزي ليوم الفزع الأكبر .. مثلا .
انتي حقيقي مختلفة بشكل ملوش مثيل .. مختلفة بشكل مختلف ..
القضية عمرها ما كانت _بحبك قد إيه _
حجم حبي ليكي بيزيد كل لحظة بشكل كبير جدا .. دا أمر غير مثير للشك بالنسبالي
المعضلة هيا _أحبك ازاي ؟_
عايز احبك بشكل مختلف يتناسب مع اختلافك
محتاج أحبك بشكل مختلف ..
تستاهلي أحبك بشكل مختلف ..
لذلك هاحاول ..
عارفة ..
أنا محظوظ فعلا اني حبيتك ..
أنا حبيتك ... ف الناس حبوني .
" مصطفى ابراهيم " قال : مليش ف البنت طلبات غير تنسيني اللي قبليها
تعرفي ان اللي كانوا قبلك سيئين الحظ جدا .. لإني نسيتهم بيكي .. و لو لا قدر الله بقى فيه بعدك و دا استبعده تماما هايبقوا اسوأ حظا من اللي كانوا قبلك لأنهم هيعجزوا تماما ف محاولاتهم عشان انساكي لأنك مستحيل تتنسي .
أنا لما حبيتك .. بقيت أفضل مما كنت عليه .. بقى سهل اني اتحب ..
طيب ما انا مش هاحب غيرك .. و مش هاقبل اكون _شرَك قلوب_
لذلك بفكر أختم قلبي ب " used by ------------- "
عشان اكون برئ من ذنب أي قلب يكنلي جواه حب .
انتي عنيكي أجمل من عنيها على فكرة .
شوفت بنت عنيها كانت أجمل من عنيكي .. فعلا أجمل .. أجمل بناء على المقارنة التقليدية العقيمة .. يعني كانت عنيها ملونة .. واسعين .. بيضحكوا ..
عيون حلوين .
لكن لما قارنتهم بعنيكي بالطريقة اللي افهمها .. لقيتني شايفهم بحر .. لكن البحر اللي كل البشر عارفينه .. البحر اللي له شط و على شطه كراسي و شماسي و ليه مصدات قاتلة موجه .. و أي حد يقدر يعوم فيه ببساطة .. حتى اللي مابيعرفوش يعوموا سهل عليهم ينزلوه من غير قلق .. أهو بيستمتعوا و خلاص .. بيبلبطوا ! بيصيفوا
بحر .. مفهوش موج .. مش غريق .. فيه ناس حواليهم ممكن ينقذوهم .
هل دا عوم ؟ هل دا بحر ؟
أما عنيكي ..
البحر اللي انا اعرفه .. البحر اللي نزلته .. البحر اللي عشت فيه و معاه سنين .
احنا بالمناسبة ما بنقولش ع المحيط محيط .. احنا المحيط ف معجمنا اسمه بحر برده ..
بحر .. هادي و غاضب .. حليف و عدو .. أنيس و موحش .. آمن و غدار .. جرئ و بيخضع للجرئ .. غريق و بيخضع للمغامر .. رؤوف بحال أهله لإنه طول الوقت مسافر .. عنيكي البحر الحقيقي .. البحر اللي يطول شرح تفاصيله .. البحر اللي عومت و هاعوم جواه ..
البحر اللي لحظة ما غرقت فيه ماكانش حواليا ناس ..
ماكنش فيه حد ينجدني .
عنيها كانت حلوة فعلا .. لكن ما يأسروش
يتقال عليهم " عيون حلوين .. يا ليلي يا عين .. ترن تن تين " مثلا
لكن ما يتقالش عليهم زي " محمد جعفر " ما قال : عنيها رُقعتين شطرنج .. حواليها الرموش عسكَر
أو زي ما قال " عمرو ابوزيد " : عنيها المُسكرات سكرات ماهونهاش دُعا أُمي
عنيها كانت حلوة أوي .. لكن لو اترسموا .. هيترسموا عيون .
أما عنيكي لو اترسموا .. هيترسموا بورتريه رمزي ليوم الفزع الأكبر .. مثلا .
انتي حقيقي مختلفة بشكل ملوش مثيل .. مختلفة بشكل مختلف ..
القضية عمرها ما كانت _بحبك قد إيه _
حجم حبي ليكي بيزيد كل لحظة بشكل كبير جدا .. دا أمر غير مثير للشك بالنسبالي
المعضلة هيا _أحبك ازاي ؟_
عايز احبك بشكل مختلف يتناسب مع اختلافك
محتاج أحبك بشكل مختلف ..
تستاهلي أحبك بشكل مختلف ..
لذلك هاحاول ..
عارفة ..
أنا محظوظ فعلا اني حبيتك ..
أنا حبيتك ... ف الناس حبوني .
" مصطفى ابراهيم " قال : مليش ف البنت طلبات غير تنسيني اللي قبليها
تعرفي ان اللي كانوا قبلك سيئين الحظ جدا .. لإني نسيتهم بيكي .. و لو لا قدر الله بقى فيه بعدك و دا استبعده تماما هايبقوا اسوأ حظا من اللي كانوا قبلك لأنهم هيعجزوا تماما ف محاولاتهم عشان انساكي لأنك مستحيل تتنسي .
أنا لما حبيتك .. بقيت أفضل مما كنت عليه .. بقى سهل اني اتحب ..
طيب ما انا مش هاحب غيرك .. و مش هاقبل اكون _شرَك قلوب_
لذلك بفكر أختم قلبي ب " used by ------------- "
عشان اكون برئ من ذنب أي قلب يكنلي جواه حب .
انتي عنيكي أجمل من عنيها على فكرة .