عمرك ما هتقدر تقدم أبداع فـ المجال اللى انت بتحبه الا لو بتمتلك الشغف , لكن للاسف الشغف ده ممكن حاجات كتير تقتله أهمها القلق والتوتر والهموم
لذلك ارتبط الابداع دايما بشكل ما بالعزلة , والمقصود بالعزلة هنا التفرغ والهدوء مش الانعزال عن الحياة , القلق هو الطلقة اللى بتقتل اى استعدادات للابداع , وبيفسد عليك اى محاولة للوصول للصفاء الذهنى ومن ثم الابداع
فـ العالم اللى احنا عايشين فيه ده دايما بتحس انك ضئيل , انك ظل لملفاتك الموجودة فـ المصالح الحكومية وانها المتحكمة فيك , انك تضمن تعيش حياة كريمة , هادية , آمنة , مبقاش موجود , وبالتالى احساس الخوف من المستقبل ده بقا شبح بيحوم ادامنا دايما , بيشكلنا رعب فـ اغلب الاحيان
لذلك أقدر أقول بكل ثقة ان عصرنا ده هو عصر قتل الابداع بامتياز , وانجح عصر فـ تخريج دفعات من الموظفين الاشبه بالروبوتات , والموظفين دى تشمل كافة المهن تقريبا , عصر التنميط والتشىء والقولبة و الخ الخ
اللى هيقدر يحافظ على الشغف وعلى هدوء عقله هو اللى هيبدع , واللى هيقع فريسة للهموم مش هيقدر يكمل وهيفقد الشغف واحدة واحدة , وهيتحول لروبوت , أو ثور مربوط فـ ساقية
اعتقد ان الجو النفسى ده اللى اغلبنا بيعيشه هو اللى بيخلى حتى اللى بيبدع بيغلب على ابداعه السوداوية , عصرنا عصر ازدهار فلسفات التشاؤم بامتياز , وعصر تفشى الروح العدمية حتى للى ميعرفوش حاجة عن الفلسفة دى , عصر الاحساس دايما بالخنقة , تضاعف معدلات الانتحار , وأضرب فـ 100 عدد محاولات الانتحار
كل دى وجوه للجوهر نفسه , جوهر عالمنا الحالى , المضطرب الخايف المتوتر المكبوت الفاشى الامبريالى النازى المنتحر الـ ..
لذلك ارتبط الابداع دايما بشكل ما بالعزلة , والمقصود بالعزلة هنا التفرغ والهدوء مش الانعزال عن الحياة , القلق هو الطلقة اللى بتقتل اى استعدادات للابداع , وبيفسد عليك اى محاولة للوصول للصفاء الذهنى ومن ثم الابداع
فـ العالم اللى احنا عايشين فيه ده دايما بتحس انك ضئيل , انك ظل لملفاتك الموجودة فـ المصالح الحكومية وانها المتحكمة فيك , انك تضمن تعيش حياة كريمة , هادية , آمنة , مبقاش موجود , وبالتالى احساس الخوف من المستقبل ده بقا شبح بيحوم ادامنا دايما , بيشكلنا رعب فـ اغلب الاحيان
لذلك أقدر أقول بكل ثقة ان عصرنا ده هو عصر قتل الابداع بامتياز , وانجح عصر فـ تخريج دفعات من الموظفين الاشبه بالروبوتات , والموظفين دى تشمل كافة المهن تقريبا , عصر التنميط والتشىء والقولبة و الخ الخ
اللى هيقدر يحافظ على الشغف وعلى هدوء عقله هو اللى هيبدع , واللى هيقع فريسة للهموم مش هيقدر يكمل وهيفقد الشغف واحدة واحدة , وهيتحول لروبوت , أو ثور مربوط فـ ساقية
اعتقد ان الجو النفسى ده اللى اغلبنا بيعيشه هو اللى بيخلى حتى اللى بيبدع بيغلب على ابداعه السوداوية , عصرنا عصر ازدهار فلسفات التشاؤم بامتياز , وعصر تفشى الروح العدمية حتى للى ميعرفوش حاجة عن الفلسفة دى , عصر الاحساس دايما بالخنقة , تضاعف معدلات الانتحار , وأضرب فـ 100 عدد محاولات الانتحار
كل دى وجوه للجوهر نفسه , جوهر عالمنا الحالى , المضطرب الخايف المتوتر المكبوت الفاشى الامبريالى النازى المنتحر الـ ..