فريدريك نيتشه , المفكر الاشبه بالعاصفة اللى هبت عـ القيم الاوروبية و عـ الفلسفات العقلية , يمكن أكثر مفكر مثير للجدل , و أكثر مُفِكر أُساء فهمه ( و ببصيرة نافذة كان عارف ان ده هيحصل وحذر منه , لدرجة انه فـ كتاب هذا هو الانسان قال انه بيتمنى انه ميتمش الخلط بينه و بين شخص آخر ! ) , وبعيدا عن السجالات الطويلة و محاولات تصنيفه و ان هل نيتشه بيُعتبر فيلسوف فعلا ولا اديب عنده الكثير من الافكار الفلسفية المهمة والعميقة , معتقدش ابدا ان فى اى حد مهتم بالفلسفة و ميعرفش نيتشه , وبمعنى أدق : سواء رأيك فـ افكاره ايجابى او سلبى متقدرش ابدا تنكر تأثيره الكبير ..
.
نيتشه كان بيتميز ان خطابه _فـ الغالب_ شذرى ( على هيئات شذرات يعنى مش فصول طويلة ) , و أسلوبه فـ الغالب أدبى جميل _ خصوصا فـ كتابه الاشهر هكذا تكلم زرادشت _ , نقده دائما لاذع و ساخر , أرائه حادة , بياخد الافكار لاقصاها , من ضمن الاراء الكتير و المتضاربة عنه انه كان بيغلِف افكاره باسلوب ادبى بيحاول على اد ما يقدر انه يكون جميل و مؤثر عشان يتسِمع , وعشان الافكار تنتشر و تلقى صدى , اينعم متمش ده فـ حياته و عاش مغمور محدش يسمع عنه , الا انه بعد ما مات بقا أيقونة , و حركات فكرية كتير و فنية ادعت انه ملهمها , وانها قايمة على افكار نيتشوية
.
من ضمن أشهر أراء نيتشه _ واللى اكتسبت شهرتها من كونها مختلفة جدا _ رأيه فـ سقراط و افلاطون , كان شايف ان سقراط و افلاطون من علامات انحطاط الحضارة , و السبب فـ كده انه كان شايف ان الفلسفة بدأت معاهم تكون قايمة على أنساق فكرية , و الانساق دى من خصائصها التجريد , وانها بكده فـ رأيه منفصلة عن الواقع الانسانى , فكان شايف ان سقراط و افلاطون ’’ موظفين فلسفة ’’ على حد تعبيره , وان ما هم الا متفائلين نظريين , أصحاب أنساق فكرية اكاديمية جافة , مبتديش الاولوية للذات الانسانية , كان شايف ان التفلسف بيتجاوز الانساق و انه بيرتبط بالحياة , وان مجال الفلسفة لا نظامى
.
من ضمن أرائه المختلفة فـ الفلاسفة الكبار برضو رأيه فـ كانط , كان شايف انه مسيحى مستتر , وانه نصف قس _ ومقالش رأيه ده كده اعتباطا لا ناقشه بالتفصيل , و عرض الجانب الاخلاقى لفلسفة كانط عرض نقدى لكن كالعادة كان عرضه دايما لا يخلو من السخرية _ , أُعجَب بشوبنهاور و اتأثر بيه و اختلف معاه ( وسبب اعجابه بشوبنهاور راجع لكونهم الاتنين مختلفين تماما مع فلسفة هيجل النسقية المثالية اللى اشبه ما تكون بقصر عقلى موجود بغض النظر عن وجود ذات او لا , ولاهتمامها بالافكار الكلية و تهميش فاعلية الذات و تصويرها للانسان وتصوير فكره انهم محكومين بقوة بقوانين اشبه ما تكون بقوانين طبيعية ثابتة )
.
من ضمن أشهر افكار نيتشه هى نظرية العود الابدى , اللى ناقشها فلسفيا , واللى برضو تم اساءة فهمها على انها آلية وانها بتلغى الحرية , وبتلغى قدرة الانسان على احداث تغيير حقيقى , فـ كتاب نيتشه , مقدمة قصيرة , لمايكل تانر , قال ان اغلب مفسرى نيتشه , ظلموه و اختذلوه بأنهم ركزوا جدا على حياته الشخصية بشكل كبير , وكان نتيجة ده انهم عرضوا افكاره على انها نتيجة حتمية لحياته المآساوية ( علماء النفس خصوصا اللى عملوا كده ) , وان الصح اننا نركز على افكاره بس , بغض النظر عن حياته , وان تركيزنا الكبير ده على حياته الشخصية خلانا دايما نظلم العديد من افكاره عن طريق إساءة فهمها
.
من ضمن أشهر افكاره برضو فكرة ’ ارادة القوة ’ , و الانسان الاعلى , اخلاق السادة واخلاق العبيد الخ الخ من الافكار اللى اقترنت باسمه كملحقات اساسية , و اللى خلته صاحب خطاب مميز للغاية .. وفـ النهاية سواء اختلفت مع بعض افكار نيتشه او اختلفت حتى مع افكاره كلها ( ولو انى اشك ان فى حد ممكن يختلف كليةً وبشكل مطلق مع افكاره ) معتقدش ابداً ان فى حد ممكن ينكر _ او حتى يقلل _ من تأثيره الكبير و من مدى الهامه و عبقريته
. وخير ما نختم به
شعر نيتشه كاتبه بيوصف بيه نفسه
أجل انى لأعلم من أنا
و من أين نشأت
أنا كاللهيب النهم
أحترق و آكل نفسى ..
نورٌ هو كل ما أمسكه
رمادٌ هو كل ما أتركه
أجل إنى لهيبٌ حقاً
هناك أناس يولدون بعد موتهم
عندما سيعرف الناس من أنا
لن أكون هنا ..
.
نيتشه كان بيتميز ان خطابه _فـ الغالب_ شذرى ( على هيئات شذرات يعنى مش فصول طويلة ) , و أسلوبه فـ الغالب أدبى جميل _ خصوصا فـ كتابه الاشهر هكذا تكلم زرادشت _ , نقده دائما لاذع و ساخر , أرائه حادة , بياخد الافكار لاقصاها , من ضمن الاراء الكتير و المتضاربة عنه انه كان بيغلِف افكاره باسلوب ادبى بيحاول على اد ما يقدر انه يكون جميل و مؤثر عشان يتسِمع , وعشان الافكار تنتشر و تلقى صدى , اينعم متمش ده فـ حياته و عاش مغمور محدش يسمع عنه , الا انه بعد ما مات بقا أيقونة , و حركات فكرية كتير و فنية ادعت انه ملهمها , وانها قايمة على افكار نيتشوية
.
من ضمن أشهر أراء نيتشه _ واللى اكتسبت شهرتها من كونها مختلفة جدا _ رأيه فـ سقراط و افلاطون , كان شايف ان سقراط و افلاطون من علامات انحطاط الحضارة , و السبب فـ كده انه كان شايف ان الفلسفة بدأت معاهم تكون قايمة على أنساق فكرية , و الانساق دى من خصائصها التجريد , وانها بكده فـ رأيه منفصلة عن الواقع الانسانى , فكان شايف ان سقراط و افلاطون ’’ موظفين فلسفة ’’ على حد تعبيره , وان ما هم الا متفائلين نظريين , أصحاب أنساق فكرية اكاديمية جافة , مبتديش الاولوية للذات الانسانية , كان شايف ان التفلسف بيتجاوز الانساق و انه بيرتبط بالحياة , وان مجال الفلسفة لا نظامى
.
من ضمن أرائه المختلفة فـ الفلاسفة الكبار برضو رأيه فـ كانط , كان شايف انه مسيحى مستتر , وانه نصف قس _ ومقالش رأيه ده كده اعتباطا لا ناقشه بالتفصيل , و عرض الجانب الاخلاقى لفلسفة كانط عرض نقدى لكن كالعادة كان عرضه دايما لا يخلو من السخرية _ , أُعجَب بشوبنهاور و اتأثر بيه و اختلف معاه ( وسبب اعجابه بشوبنهاور راجع لكونهم الاتنين مختلفين تماما مع فلسفة هيجل النسقية المثالية اللى اشبه ما تكون بقصر عقلى موجود بغض النظر عن وجود ذات او لا , ولاهتمامها بالافكار الكلية و تهميش فاعلية الذات و تصويرها للانسان وتصوير فكره انهم محكومين بقوة بقوانين اشبه ما تكون بقوانين طبيعية ثابتة )
.
من ضمن أشهر افكار نيتشه هى نظرية العود الابدى , اللى ناقشها فلسفيا , واللى برضو تم اساءة فهمها على انها آلية وانها بتلغى الحرية , وبتلغى قدرة الانسان على احداث تغيير حقيقى , فـ كتاب نيتشه , مقدمة قصيرة , لمايكل تانر , قال ان اغلب مفسرى نيتشه , ظلموه و اختذلوه بأنهم ركزوا جدا على حياته الشخصية بشكل كبير , وكان نتيجة ده انهم عرضوا افكاره على انها نتيجة حتمية لحياته المآساوية ( علماء النفس خصوصا اللى عملوا كده ) , وان الصح اننا نركز على افكاره بس , بغض النظر عن حياته , وان تركيزنا الكبير ده على حياته الشخصية خلانا دايما نظلم العديد من افكاره عن طريق إساءة فهمها
.
من ضمن أشهر افكاره برضو فكرة ’ ارادة القوة ’ , و الانسان الاعلى , اخلاق السادة واخلاق العبيد الخ الخ من الافكار اللى اقترنت باسمه كملحقات اساسية , و اللى خلته صاحب خطاب مميز للغاية .. وفـ النهاية سواء اختلفت مع بعض افكار نيتشه او اختلفت حتى مع افكاره كلها ( ولو انى اشك ان فى حد ممكن يختلف كليةً وبشكل مطلق مع افكاره ) معتقدش ابداً ان فى حد ممكن ينكر _ او حتى يقلل _ من تأثيره الكبير و من مدى الهامه و عبقريته
. وخير ما نختم به
شعر نيتشه كاتبه بيوصف بيه نفسه
أجل انى لأعلم من أنا
و من أين نشأت
أنا كاللهيب النهم
أحترق و آكل نفسى ..
نورٌ هو كل ما أمسكه
رمادٌ هو كل ما أتركه
أجل إنى لهيبٌ حقاً
هناك أناس يولدون بعد موتهم
عندما سيعرف الناس من أنا
لن أكون هنا ..